Mein Awara Koe Muhammad

Main aawara-e-koo-e-Muhammad ﷺ Wehshat-e-dil se chamke seena Tan pe sajaaun khaak-e-Madinah Khoon se phoote boo-e-Muhammad ﷺ Main aawara-e-koo-e-Muhammad ﷺ

Jaan-e-takhayyul, rooh-e-irada Aap ki sunnat aap ka jaada Main un ka hoon Un ko chaahun Ishq badan hai ishq labada Jab main ghar se bahar nikloon Zaat mein sehra le kar nikloon Log kahein, Aahoo-e-Muhammad ﷺ Main aawara-e-koo-e-Muhammad ﷺ

Hijr ko rang-e-wisaal diya hai Karb ko istiqlaal diya hai Mujh baalak par Har kaalak par Aap ne parda daal diya hai Aaye lutf munajaaton mein Deeda-e-nam ki barsaatton mein Lehrayein, gesoo-e-Muhammad ﷺ Main aawara-e-koo-e-Muhammad ﷺ

Aap hi manzil aap hi raahi Aap adaalat aap gawaahi Aap ka dam-dam Haq ka mehram Aap mujassam, sharh-e-Ilahi

Ma'ni-e-imaan aaye samajh mein Saara Quran aaye samajh mein Jab parhta hoon Roo-e-Muhammad ﷺ Main aawara-e-koo-e-Muhammad ﷺ

Find Your Favorite Lyrics Anytime, Anywhere - Install the App Today!

Aankhon mein reh kar beenai Arsh-e-Mu'alla tak ho aayi Bazm-e-hazoori Ban gayi doori Le ke chala yun shauq-e-rasai Paaun zameen par, zehan khalaa mein Jaa nikla main qurb-e-Khuda mein Dekh raha tha soo-e-Muhammad ﷺ Main aawara-e-koo-e-Muhammad ﷺ