Mehshar Main Qurb e Dawar e Mehshar Milla Mujhe

Mahshar mein qurb-e-Dawar-e-Mahshar mila mujhe Aisa payambaron ka payambar ﷺ mila mujhe

Allah ko sunanay laga naat-e-Mustafa ﷺ Jab saaya-e-Rasool ﷺ ka mimbar mila mujhe

Khilti, mehakti, bheegti raaton ke mor par Woh hujra-e-durood mein aksar mila mujhe

Your Lyrics, Even Offline - Install the App for Free!

Main wadi-e-Haram tak usay dhoondne gaya Awaaz di toh apnay hi andar mila mujhe

Dekha jo gharq ho ke Muhammad ﷺ ki zaat mein Dono jahan ka markaz-o-mehwar mila mujhe

Maangay thay chand phool, bahaarein ata huin Jo kuch mila, bisaat se barh kar mila mujhe

Ik subah si thehar gayi meray wujood mein Jis din se un ﷺ ka ishq Muzaffar mila mujhe

Sallallahu Alaihi Wa Aalihi Wasallam