Mehshar Main Qurb e Dawar e Mehshar Milla Mujhe

محشر میں قُربِ داورِ محشر ملا مجھے ایسا پیمبروں کا پیمبر ﷺملا مجھے

اللہ کو سُنانے لگا نعتِ مصطفےٰﷺ جب سایہء رسولﷺ کا منبر ملا مجھے

کِھلتی، مہکتی، بھیگتی راتوں کے موڑ پر وہ حجرہء درود میں اکثر ملا مجھے

میں وادیء حرم تک اُسے ڈھونڈنے گیا آواز دی تو اپنے ہی اندر ملا مجھے

دیکھا جو غرق ہو کے محمدﷺ کی ذات میں دونوں جہاں کا مرکز و محور ملا مجھے

مانگے تھے چند پُھول ، بہاریں عطا ہُوئیں جو کچھ ملا ، بساط سے بڑھ کر ملا مجھے

Find Your Favorite Lyrics Anytime, Anywhere - Install the App Today!

اِک صبح سی ٹھہر گئی میرے وجود میں جس دن سے اُن ﷺکا عشق مظفر ملا مجھے

صل اللہ علیہ وآلہ وسلم