Matla-e-Subh-e-Arab Par Hai Saja Mehr-e-Munir

Matla-e-subh-e-Arab par hai saja Mehr-e-Munir Dene aaya hai andheron ko ziya Mehr-e-Munir

Ibtada-e-aafreenish ka muharrik us ka noor Hai kamalat-e-bashar ki inteha Mehr-e-Munir

Zaufishan hai kainaat-e-husn mein us ka jamaal Zeenat-e-kon-o-makaan, noor-e-Khuda Mehr-e-Munir

Aaj tak jis se munawwar hai zameer-e-kainaat Roshni ka woh mukammal silsila Mehr-e-Munir

Qasim-e-faizan-e-Bari, paikar-e-lutf-o-karam Rahmat-e-Haq, manba-e-sidq-o-safa Mehr-e-Munir

Bahr-e-asrar-o-maarif, sahib-e-khulq-e-azeem Kanz-e-irfan, makhzan-e-jood-o-sakha Mehr-e-Munir

Rooh-e-Isaؑ, jaan-e-Musaؑ, Qurrat-ul-Ain-e-Khalilؑ Fakhr-e-Adamؑ, muqtada-e-ambiya Mehr-e-Munir

No More Screenshots! Save Storage with Our Lyrics App!

Teri kirnon se muzayyan jis ka tool-o-arz ho De mujhe khairaat mein aisi qaba Mehr-e-Munir

Teri seerat se mila hai meri hasti ko jawaaz Kaise ho ga mujh se tera haq ada Mehr-e-Munir

Roz-e-mahshar doon ga main Shahzad yun un ko sada Al-madad! Ae Shafi-e-roz-e-jaza Mehr-e-Munir!