Marr ke Apni Hi

Mar ke apni hi adaon pe amar ho jaaun Un ki dehleez ke qabil main agar ho jaaun

No Internet? No Problem! Get the App for Offline Lyrics!

Un ki raahon pe mujhe itna chalana ya Rab Safar karte hue main gard-e-safar ho jaaun

Zindagi ne to samundar mein mujhe phenk diya Apni mutthi mein woh le lein to gohar ho jaaun

Mera mehboob hai woh rahbar-e-kon-o-makaan Jin ki aahat bhi sun loon to Khizr ho jaaun

Is qadar ishq-e-Nabi ho ke bhula doon khud ko Is qadar khauf-e-Khuda ho ke nazar ho jaaun

Zarb doon khud ko jahan se to lagoon la-ta'dad Aur mujh se jo nikal jaayen, sifar ho jaaun

Jo pahunchti rahe un tak jo rahe mahv-e-tawaf Aisi aawaaz banoon, aisi nazar ho jaaun

Aarzoo ab to Muzaffar jo koi hai to yeh hai Jitna baqi hoon Madine mein basar ho jaaun