Mar Ke Jeenay Ka Paun Maza

Mar ke jeene ka paaun maza khair se Rah-e-Taiba mein aaye qaza khair se

Kijiye mere haq mein dua khair se Khak-e-Taiba mein ho meri ja khair se

Mujh ko un ka ishara mila khair se Main Madine ki janib chala khair se

Instant Access to Thousands of Lyrics - Tap to Install!

Khoob guzrein ge subh-o-masa khair se Un ke dar pe jo bistar jama khair se

Aam hai un ka jood-o-sakha khair se Un ke dar pe hain shah-o-gada khair se

Woh uthi mauj-e-bahr-e-ata khair se Ya woh dast-e-karam uth gaya khair se

Sham se hum ko Taiba mein neend aa gayi Zindagi ka sawera hua khair se

Khak-e-Taiba ko pa kar hoon main shadman Mera akhtar darakhshan hua khair se