Mar Ke Apni Hi Adaon Pe

Mar ke apni hi adaon pe amar ho jaaun Un ki dehleez ke qabil main agar ho jaaun

Un ki raahon pe mujhe itna chalana Ya Rabb Ke safar karte hue gard-e-safar ho jaaun

Zindagi ne to samandar mein mujhe phenk diya Apni mutthi mein woh le lein to gohar ho jaaun

Mera mehboob hai woh rahbar-e-kon-o-makaan Jis ki aahat bhi main sun loon to Khizr ho jaaun

Is qadr ishq-e-Nabi ho ke mita doon khud ko Is qadr khauf-e-Khuda ho ke nadar ho jaaun

No Internet? No Problem! Get the App for Offline Lyrics!

Jo pahunchti rahe un tak jo rahe mehv-e-tawaf Aisi aawaaz banoon, aisi nazar ho jaaun

Zarb doon khud ko jo un se to lagoon laatadaad Woh jo mujh mein se nikal jaayen sifar ho jaaun

Aarzoo ab to Muzaffar jo koi hai to yeh hai Jitna baqi hoon Madine mein basar ho jaaun