Malk e Khaas Kibriya Ho

Malik-e-khas-e-kibriya ho Malik-e-har masiva ho

Koi kya jaane keh kya ho Aql-e-aalam se wara ho

Kanz-e-maktoom-e-azal mein Durr-e-maknoon-e-Khuda ho

Sab se awwal sab se aakhir Ibtida ho intiha ho

Thay waseele sab Nabi tum Asl maqsood-e-huda ho

Paak karne ko wuzu thay Tum namaz-e-jaanfaza ho

Sab basharat ki azaan thay Tum azaan ka mudda'a ho

Sab tumhari hi khabar thay Tum mu'akhkhar mubtada ho

Qurb-e-Haq ki manzilein thay Tum safar ka muntaha ho

Qabl-e-zikr izmaar kiya jab Rutba-e-sabiq aap ka ho

Toor-e-Musa charkh-e-Isa Kya musavi-e-danya ho

Sab jihat ke daayre mein Shash jihat se tum wara ho

Sab makaan tum lamakaan mein Tan hain tum jaan-e-safa ho

Sab tumhare dar ke raste Ek tum raah-e-Khuda ho

Why Screenshot When You Can Download? Get the App for Efficient Storage!

Sab tumhare aage shafi' Tum huzoor-e-kibriya ho

Sab ki hai tum tak rasai Baargah tak tum rasa ho

Woh kalas rawze ka chamka Sar jhukao kaj kulaho

Woh dar-e-dawlat pe aaye Jholiyan phailao shaho