Main Ne Iss Kareenay Se Naat Sheh Raqam Ki Hai

Main ne iss qareenay se Naat-e-Shah raqam ki hai Sher baad mein likha pehlay aankh nam ki hai

Yeh khayal rehta hai yeh malal rehta hai Madhat-e-Nabi main ne jitni ki hai kam ki hai

Meray saath chalti hain barkatein duroodon ki Meri raah mein aaye, kya majaal gham ki hai

Un ko sochtay rehna bhi ik ibadat hai Aur yeh ibadat bhi hum ne dam ba dam ki hai

Main ghazal se door aaya jab se yeh shaoor aaya Naat-e-Mustafa likhna aabroo qalam ki hai

Instant Access to Thousands of Lyrics - Tap to Install!

Un ko chahanay se main chaha ja raha hoon Sabeeh Bheek meray daaman mein un kay hi karam ki hai