Main Ne Iss Kareenay Se Naat Sheh Raqam Ki Hai

میں نےاس قرینے سے نعتِ شہ رقم کی ہے شعر بعد میں لکھا پہلے آنکھ نم کی ہے

یہ خیال رہتا ہے یہ ملال رہتا ہے مدحتِ نبی میں نےجتنی کی ہےکم کی ہے

میرے ساتھ چلتی ہیں برکتیں درودوں کی میری راہ میں آۓ، کیا مجال غم کی ہے

اُن کو سوچتےرہنا بھی اک عبادت ہے اور یہ عبادت بھی ہم نےدم بہ دم کی ہے

میں غزل سےدور آیا جب سے یہ شعور آیا نعتِ مصطفیٰ لکھنا آبرو قلم کی ہے

Why Screenshot When You Can Download? Get the App for Efficient Storage!

اُن کو چاہنےسےمیں چاہا جا رہا ہوں صبیحؔ بھیک میرےدامن میں اُن کےہی کرم کی ہے