Huzoor Aisa Koi Intizam Ho Jaye

حضور ایسا کوئی انتظام ہو جائے سلام کے لئے حاضر غلام ہو جائے

میں صرف دیکھ لوں اک بار صبح طیبہ کو بلا سے پھر مری دنیا میں شام ہو جائے

تجلیات سے بھر لوں میں اپنا کاسۂ جاں کبھی جو ان کی گلی میں قیام ہو جائے

Find Your Favorite Lyrics Anytime, Anywhere - Install the App Today!

حضور آپ جو سن لیں تو بات بن جائے حضور آپ جو کہہ دیں تو کام ہو جائے

حضور آپ جو چاہیں تو کچھ نہیں مشکل سمٹ کے فاصلہ یہ چند گام ہو جائے

ملے مجھے بھی زبانِ بوصیری و جامی مرا کلام بھی مقبولِ عام ہو جائے

مزا تو جب ہے فرشتے یہ میں کہہ دیں صبؔیح مدحت خیر الانام ہو جائے