Mah e Rabi ul Awal Aya

Mah-e Rabi' al-Awwal aya Rabb ki rehmat saath mein laaya

Why Screenshot When You Can Download? Get the App for Efficient Storage!

Waqt mubarak raat sohani Subah ka tarka hai noorani

Peer ka din tareekh hai baarah Farsh pe chamka arshi tara

Aaj ki raat baarat rachi hai Aminah ke ghar dhoom machi hai

Ghar mein hoorain dar-pe malak hain Jin ki qatarein ta bah falak hain

Thandi hawa ka jhonka aaya Shor macha ek salli 'ala ka

Lo woh uthi gird-e-sawari Paida huaye mehboob-e-Bari

Tum bhi uthho ab waqt-e adab hai Zikr-e wiladat Shah-e-Arab hai

Takht hai un ka taj hai un ka Dono jahan mein raj hai un ka

Oonche oonche yahan jhakte hain Sare unhi ka munh takte hain

Kaaba ki zeenat un ke dam se Tayyiba ki ronaq un ke qadam se

Kaaba hi kya saare jahan mein Dhoom hai un ki kon-o-makan mein

Aminah bi ko laal mubarak Dai Halima ko baal mubarak

Tum ko Khalilullah mubarak Tum ko Zabihullah mubarak

Dar pe hain hazir apne paraye Aap ke dam se aas lagaye

Chashm-e karam lillah idhar ho Saalik-e khasta par bhi nazar ho