Mah e Rabi ul Awal Aya

ماہِ ربیع الاول آیا رب کی رحمت ساتھ میں لایا

وقت مبارک رات سہانی صبح کا تڑکا ہے نورانی

پیر کا دن تاریخ ہے بارہ فرش پہ چمکا عرشی تارا

آج کی رات بارات رچی ہے آمنہ کے گھر دھوم مچی ہے

گھر میں حوریں درپہ مَلک ہیں جن کی قطاریں تا بہ فلک ہیں

ٹھنڈی ہوا کا جھونکا آیا شور مچا اک صلِ علیٰ کا

لو وہ اٹھی گردِ سواری پیدا ہوۓ محبوبِ باری

تم بھی اٹھو اب وقت ادب ہے ذکرِ ولادت شاہِ عرب ہے

تخت ہے ان کا تاج ہے ان کا دونوں جہاں میں راج ہے ان کا

اونچے اونچے یہاں جھکتے ہیں سارے انہی کا منہ تکتے ہیں

کعبے کی زینت ان کے دم سے طیبہ کی رونق ان کے قدم سے

کعبہ ہی کیا سارے جہاں میں دھوم ہے ان کی کون ومکاں میں

آمنہ بی کو لال مبارک دائی حلیمہ کو بال مبارک

Stop Wasting Storage - Download Lyrics in Lightweight Text Format!

تم کو خلیلُ اللہ مبارک تم کوذبیحُ اللہ مبارک

در پہ ہیں حاضر اپنے پراۓ آپ کے دم سے آس لگاۓ

چشم کرم لِلّٰہ اِدھر ہو سالکِؔ خستہ پر بھی نظر ہو