Khauf e Gunah Mein Mujrim

خوفِ گنہ میں مجرم ہے آب آب کیسا جب رب ہے مصطفیٰ کا پھر اِضطراب کیسا

مجرم ہوں رُوسیہ ہوں اور لائقِ سزا ہوں لیکن حبیب کا ہوں مجھ پر عتاب کیسا

سورج میں نور تیرا جلوہ ترا قمر میں ظاہر تو اس قدر ہے اس پر حجاب کیسا

Why Screenshot When You Can Download? Get the App for Efficient Storage!

دامانِ مصطفیٰ ہے مجرم مچل رہے ہیں دارُالاماں میں پہنچے خوفِ عذاب کیسا

مرقد کی پہلی شب ہے دولہا کی دِید کی شب اس شب پہ عید قرباں اس کا جواب کیسا

پڑھتا تھا جس کا کلمہ پایا انہیں نکیرو ہو لینے دو تصدق اس دم حساب کیسا

سالکؔ کو بخش یارب گو لائقِ سزا ہے وہ کس حساب میں ہے اس کا حساب کیسا