Kahan Ho Ya Rasool Allah

کہاں ہو یَا رَسُوْلَ اللہ کہاں ہو مری آنکھوں سے کیوں ایسے نہاں ہو

گدا بن کر میں ڈھونڈوں تم کو دَر دَر مرے آقا مجھے چھوڑا ہے کس پر

اگر میں خواب میں دِیدار پاؤں لپٹ قدموں سے بس قربان جاؤں

تمنا ہے تمہارے دیکھنے کی نہیں ہے اس سے بڑھ کر کوئی نیکی

بسو دل میں سما جاؤ نظر میں ذرا آجاؤ اس ویرانہ گھر میں

بنادو میرے سینہ کو مَدینہ نکالو بحرِ غم سے یہ سفینہ

چھڑا لو غیر سے اپنا بناؤ ہیں سب اچھوں کے بد کو تم نبھاؤ

مری بگڑی ہوئی حالت بنادو مری سوئی ہوئی قسمت جگادو

Why Screenshot When You Can Download? Get the App for Efficient Storage!

تمہارے سینکڑوں ہم سے گدا ہیں ہمارے آپ ہی اِک آسرا ہیں

کھلائیں نعمتیں مجھ بے ہنر کو دیا آرام مجھ گندے بشر کو

نہیں ہے ساتھ میرے کوئی توشہ کٹھن منزل تمہارا ہے بھروسہ

کھلیں جب روزِ محشر میرے دفتر رہے پردہ مرا محبوبِ داوَر

میں بے زَر ، بے ہنر ، بے پَر ہوں سالکؔ مگر اُن کا ہوں وہ ہیں میرے مالک