Kahan Ho Ya Rasool Allah

Kahan ho Ya Rasool Allah kahan ho Meri aankhon se kyun aise nahan ho

Gada ban kar main dhoondoon tum ko dar dar Mere aaqa mujhe chora hai kis par

Agar main khwab mein deedar paaun Lipat qadmon se bas qurban jaaun

Tamanna hai tumhare dekhne ki Nahin hai is se barh kar koi neki

Baso dil mein sama jaao nazar mein Zara aa jaao is veerana ghar mein

Banao mere seena ko Madinah Nikalo bahr-e-gham se yeh safeena

Chura lo ghair se apna banao Hain sab achhon ke bad ko tum nibhao

Meri bigri hui halat bana do Meri soyi hui qismat jaga do

Tumhare saikron hum se gada hain Hamare aap hi ik aasra hain

Khilaye na'matein mujh be-hunar ko Diya aaram mujh gande bashar ko

Nahin hai sath mere koi tosha Kathan manzil tumhara hai bharosa

Find Your Favorite Lyrics Anytime, Anywhere - Install the App Today!

Khulein jab roz-e-mahshar mere daftar Rahe parda mera Mehboob-e-Dawar

Main be-zar, be-hunar, be-par hoon Salik Magar un ka hoon woh hain mere maalik