Lamhe Lamhe Mein Hai Khushboo

Lamhay lamhay mein hai khushbu bhini bhini aap ki Jaan-e-rehmat, Rehmat-ul-lil-Aalameeni aap ki

Goonjti hai mashriq-o-maghrib mein aawaz-e-Hira Baithti hai khaak par Sidra-nashini aap ki

Is jahan mein bhi hain zinda aap ke sadqay mein hum Aakhirat mein bhi shafa'at hai yaqeeni aap ki

Hashr tak ki na'amaton ke aap qasim hain Huzoor ﷺ Shana-e-aafaaq par rakhi hai sini aap ki

Arsh se paataal tak hain aap ke naqsh-e-qadam Chhor de peeche abad ko door-bini aap ki

Qurb-e-Haq itna ke daahri jaise ho jaaye kamaan Saltanat hai aasmani-o-zameeni aap ki

Offline Lyrics Anytime, Anywhere - Download the App Today!

Kam hai jitna bhi Muzaffar shukr Allah ka karay Mohsin-e-aalam hai aalam-aafarini aap ki