Lamhe Lamhe Mein Hai Khushboo

لمحے لمحے میں ہے خوشبو بھینی بھینی آپ کی جان رحمت ، رحمت اللعالمینی آپ کی

گونجتی ہے مشرق و مغرب میں آوازِ حرا بیٹھتی ہے خاک پر سدرہ نشینی آپ کی

اس جہاں میں بھی ہیں زندہ آپ کے صدقے میں ہم آخرت میں بھی شفاعت ہے یقینی آپ کی

حشر تک کی نعمتوں کے آپ قاسم ہیں حضورؐ شانہء آفاق پر رکھّی ہے سینی آپ کی

عرش سے پاتال تک ہیں آپ کے نقش قدم چھوڑ دے پیچھے ابد کو دور بینی آپ کی

قرب حق اتنا کہ دہری جیسے ہو جائے کماں سلطنت ہے آسمانی و زمینی آپ کی

More Lyrics, Less Storage - Install the App and Ditch the Screenshots!

کم ہے جتنا بھی مظفر شکر اللہ کا کرے محسن عالم ہے عالم آفرینی آپ کا