Laga Unki Eid

Laga un ki eid khayalat mein Khayalat zam ho gaye zaat mein

Main un ke tasawwur mein rota raha Nikalti rahi dhoop barsaat mein

Khuda ko Muhammad ﷺ hain sab se aziz Muhammad ﷺ ka daaman mere haath mein

Main hoon khak-rob-e-dar-e-Mustafa Meri jhonpri hai mahallaat mein

Rahein pesh pesh aap ki rehmatein Sana mein dua mein munajaat mein

Woh har shoba-e-zindagi par muheet Woh mimbar pe sajdon mein ghazwaat mein

Get Lyrics On-The-Go! Download Our App Now!

Muhammad ﷺ ka har saans mehfooz hai Bukhari, Muwatta o Mishkat mein

Thikana Muzaffar meri rooh ka Madine mein Makke mein Arafaat mein