Laga Unki Eid

لگا اُن کی عید خیالات میں خیالات ضم ہو گئے ذات میں

مَیں اُن کے تصوّر میں روتا رہا نکلتی رہی دُھوپ برسات میں

خُدا کو مُحمّؐد ہیں سب سے عزیز محمّؐد کا دامن مِرے ہاتھ میں

مَیں ہُوں خاک روبِ درِ مصطفےٰ مِری جھونّپڑی ہے محلّات میں

رہیں پیش پیش آپ کی رحمتیں ثنا میں دُعا میں مناجات میں

Never Be Without Your Favorite Lyrics - Get the App for Offline Access!

وہ ہر شعبہء زندگی پر محیط وہ منبر پہ سجدوں میں غزوات میں

مُحمّدؐ کا ہر سانّس محفوظ ہے بخاری موطّا و مشکوٰۃ میں

ٹھکا نہ مظفّؔر مِری رُوح کا مدینے میں مکّے میں عر فات میں