Lab e Jaan Bakhsh Ka

Lab-e-jaan-bakhsh ka ae jaan mujhe sadqa de do Muzdah-e-aish-e-abad jaan-e-Maseeha de do

Gham-e-hasti ka madawa mere Maula de do Baadah-e-khas ka ik jaam chalakta de do

Gharq hoti hui naao ko sahara de do Mauj tham jaaye khudara yeh ishara de do

Instant Access to Thousands of Lyrics - Tap to Install!

Hum gunahgar sahi Hazrat-e-Rizwan lekin Un ke bande hain jinan haq hai hamara de do

Tapish-e-mehar-e-qayamat ko sahein hum kaise Apne daaman-e-karam ka hamein saaya de do

Bhool jaaye jise pee kar gham-e-dauraan Akhtar Saqi-e-Kausar-o-Tasneem woh sehba de do