Kyun Na Phootay

Kyun na phootay meri rag-rag se ujala tera Oarh rakkha hai mere jism ne saya tera

Lag gayi hain mere chehray pe hazaron aankhen Par gaya jab se mere zehan pe parda tera

Rashk karti hain zamanay ki hawaein mujh par Meri sham'on ko liye phirta hai jhonka tera

Koi aahat mujhe gumrah nahi kar sakti Sabt har saans pe hai naqsh-e-kaf-e-pa tera

More Lyrics, Less Storage - Install the App and Ditch the Screenshots!

Tishnagi, jab teri rehmat ko sada deti hai Mere honton se lipat jata hai darya tera

Main ne chaha tujhay, yeh bhi hai nawazish teri Warna har ek ko sadqa nahi milta tera

Meri haisiyat-e-izhar-e-mohabbat kya hai Chand Mushtaq tera, abr bhi pyasa tera

Arsh-e-Azam ki yeh tasveer bana sakta hai Rozah dekha hai Muzaffar ne bhi Aaqa tera