Kitna Gunahgar Hun

Kitna gunahgar hoon, kitna kharab hoon Darbar-e-Mustafa mein magar baryab hoon

More Lyrics, Less Storage - Install the App and Ditch the Screenshots!

Mafhoom zindagi ka meri aur kuch nahin Madh-e-Rasool-e-Pak ka lubb-e-lubab hoon

Mansoob hoon Khuda se Khuda ke Rasool se Main kamyab hoon main bohat kamyab hoon

Aankhein mila ke baat na kar mujh se Aftab Main zarra-e-dayar-e-risalat ma'ab hoon

Mujh ko na kar sake gi juda un se maut bhi Darya-e-kainat hain woh main hubab hoon

Likhi hai har waraq pe Muhammad ki dastan Parhta rahe ga waqt jise woh kitab hoon

Woh khaak par chalein to hoon un ka nishan-e-pa Aur shahsawar hon to main un ki rikab hoon

Har shab jo ab diha ho Muzaffar mera zameer Har ek saans ke liye roz-e-hisab hoon