Khwab Roshan Ho Gaye

Khwab roshan ho gaye mehka baseerat ka gulab Jab khila shakh-e-nazar par un ki ru'yat ka gulab

Guftagu khushbu ke lehje mein sikhai aap ne Khaar-e-nafrat chun liye de kar mohabbat ka gulab

Khulq ki khushbu tamam adwar mein rach bas gayi! Bagh-e-hasti mein khila yun un ki shafqat ka gulab

Zeest ke tapte hue sehra mein hai wajah-e-sukoon Un ki yaad, un ki tamanna un ki seerat ka gulab

Har sadi har ehd ke gulshan ko un ki aarzu! Har zamane mein khila hai un ki chahat ka gulab

Your Lyrics, Even Offline - Install the App for Free!

Itra-asooda fazayein kyun na hon iss shehar ki Khak-e-Tayyaba ka har ek zarra hai jannat ka gulab

Naat likhta hoon Sabeh un ki ata ke saye mein Hai bayaz-e-naat ka har she'r rehmat ka gulab