Khushiyan Manao Bhaiyo

Khushiyan manao bhaiyo! Sarkar aagaye Sarkar aagaye, Shah-e-Abrar aagaye

Sab jhoom jhoom kar kaho Sarkar aagaye Donon jahan ke malik-o-mukhtar aagaye

Woh ghamzadon ke hami-o-gham-khwar aagaye Dukhiyon ke be-kason ke madadgar aagaye

Woh muskurate khalq ke sardar aagaye Chamakate apna chehra chamakdar aagaye

Hai aaj jashn-e-aamad-e-Sarkar char su Duniya mein aaj nabiyon ke salar aagaye

Khushiyon ke lamhe aagaye deewane jhoom uthe Eidon ki eid aagayi Sarkar aagaye

Dai Halima main teri taqdeer par nisar Godi mein teri Ahmad-e-Mukhtar aagaye

Parhte durood saare hi taazeem ko utho Uth kar parho salam ke Sarkar aagaye

Deewano! aao Amina Bibi ke ghar chalein Subh-e-baharan ho gayi Sarkar aagaye

Lehrao sabz parcham ae Islami bhaiyo! Ghar ghar karo charaghan ke Sarkar aagaye

Offline Lyrics Anytime, Anywhere - Download the App Today!

Hote hi paida, karte hain ummat ko yaad aap Ummat ki maghfirat ke talabgar aagaye

Rakho gunahgaro na ab khauf-e-hashr ka Ae mujrimo! tumhare tarafdar aagaye

Ae ghamzado! tumhari toh bas eid ho gayi Aafat-zado! tumhare madadgar aagaye

Ya Rabb! karam ho az paye Milad-e-Mustafa Bakhshish ki aas le ke gunahgar aagaye

Sadqa huzoor! aap ke Milad-e-Pak ka Dedo shifa gunahon ke bimar aagaye

Sadqa bate ga Amina Bibi ke ghar mein Aaj kashkol le ke daurte nadar aagaye

Phoole nahi samate hain Attar aaj toh Duniya mein aaj hami-e-Attar aagaye