Khul Gayein Sarhadein

Khul gayin sarhadain, la-makani te aasman aa gayi Aap tashreef laye toh jism-e-do aalam mein jaan aa gayi

Why Screenshot When You Can Download? Get the App for Efficient Storage!

Waqt ka qafila, roshni ke safar par rawana hua Be-jahat zindagi, abd-o-ma'bood ke darmiyan aa gayi

Zarra zarra Hijaz-e-Muqaddas ka aaina-gar ban gaya Apne haath mein khilte hue phool le kar khizan aa gayi

Tang zehnon pe jab aap ne daal di ik kushada nazar Zaat ke qaidiyon mein bhi ik wus'at-e-be-karan aa gayi

Jab Muhammad ﷺ ki tanhai ne bheed ko hamnawa kar liya Khud garoh-e-yaqeen ki taraf nasl-e-wahm-o-guman aa gayi

Kalima aap ka sangrezon ko dekha jo parhte hue Pattharon ko Khuda kehne walon ke lab par azaan aa gayi

Jab madar-e-zameen se nikal kar qadam Mustafa ﷺ ne rakhe Aahaton ki taraf chand taare barhne kehkashan aa gayi

Jab madar-e-zameen se nikal kar qadam Mustafa ﷺ ne rakhe Aahaton ki taraf chand taare barhe kehkashan aa gayi

Main ne bheja hai jab bhi Muzaffar durood aap par, yun laga Jaise sheeriniyon ke shikanje mein saari zaban aa gayi