Khuda Se Kab Khudai

Khuda se kab khudai chahta hoon Muhammad ﷺ tak rasai chahta hoon

Get Lyrics On-The-Go! Download Our App Now!

Khuda shahid hai, roz-e-ibtida se Main un ko intehai chahta hoon

Mujhe taskheer karne hain zamane Hisar-e-Mustafai chahta hoon

Bitha do masnad-e-paaye Nabi ﷺ par Main qurb-e-kibriyai chahta hoon

Meri aankhon mein bhar do rang un ke Qalam mein roshnai chahta hoon

Aseer-e-Mustafa keh kar pukaro! Ke har gham se rahai chahta hoon

Rahein hamrah woh saare safar mein Bas itni rehnumai chahta hoon