We've added ads to help keep the platform running and improving for you.

Khuda Ki Hai EnayatNot Verified

Muhammad Ilyas Atar Qadri

Khuda ki hai inayat Mah-e-Ramzan aane wala hai Hui Maula ki rahmat, Mah-e-Ramzan aane wala hai


Mah-e-Ramzan, Mah-e-Ghufran, Mah-e-Subhan, Mah-e-Rahman Khulein ge bab-e-jannat, Mah-e-Ramzan aane wala hai


Masajid hon gi phir abad shaitan jal mare nashad Mile momin ko farhat Mah-e-Ramzan aane wala hai


Dil maghmoom phir ik baar khushiyon se hua sarshar Hui hasil musarrat Mah-e-Ramzan aane wala hai


Khushi se jhoomta hai dil machi hai qalb mein halchal Mili aashiq ko farhat Mah-e-Ramzan aane wala hai


Taraveeh aur, namazon mein, kami ho gi na rozon mein Karo mil kar, yeh niyat, Mah-e-Ramzan aane wala hai



No Internet? No Problem! Get the App for Offline Lyrics!

Get it on Google Play


Ilahi! aafiyat dena, salamat dil ata karna Ata kar de tu sehat, Mah-e-Ramzan aane wala hai


Main Ramzan-ul-Mubarak paaun rozay saaray rakh paaun Tu rakh zinda salamat, Mah-e-Ramzan aane wala hai


Nabi ke ishq mein rou-oon, Madinay ke liye tarapoon Khuda de soz-o-riqqat, Mah-e-Ramzan aane wala hai


Rahoon qaim main tauba par, Khudaya fazl aisa kar Gunahon se de nafrat, Mah-e-Ramzan aane wala hai


Khuda aisi inayat kar, main kaanpoon khauf se thar thar Ho isyaan se hifazat, Mah-e-Ramzan aane wala hai


Ibadat mein riyazat mein, duroodon mein tilawat mein Ilahi! de de lazzat, Mah-e-Ramzan aane wala hai


Muhammad Mustafa صَلَّی اللہُ عَلَیْہِ وَاٰلِہٖ وَسَلَّم ka wasta tu bakhsh de Maula Ata kar bagh-e-jannat, Mah-e-Ramzan aane wala hai


Khuda Attar ki bakhshish, tu farma de bila pursish Tufail-e-Aala Hazrat, Mah-e-Ramzan aane wala hai

Never Be Without Your Favorite Lyrics - Get the App for Offline Access!

Get it on Google Play

midhah-logo-grey© 2026 Midhah