Khuda Ki Baat Baat

Khuda ki baat baat apni zubaani karne aaye the Muhammad ﷺ apne Rab ki tarjumani karne aaye the

Never Be Without Your Favorite Lyrics - Get the App for Offline Access!

Unhein roohon ko, zehnon ko, dilon ko fath karna tha Woh patthar jaise insaanon ko paani karne aaye the

Unhi ki di hui nazron se hum ne haq ko pehchana Hamari kaalkon par zaufishani karne aaye the

Na aaye hum ko apni zaat se bhi dosti karni Woh apne dushmanon par meharbani karne aaye the

Fana ke baad bhi hum ko hayaat-e-nau ka muzdah hai Hamari aaqibat kitni suhani karne aaye the

Sharaf hasil hua un ko Khuda ki mezbaani ka Zameen ka rang bhi woh aasmani karne aaye the

Na thi mehdood apne ehd tak paighambari un ki Azal se ta abad woh hukmrani karne aaye the

Tamannaye shahadat bhi racha di khoon-e-ummat mein Ajal ko bhi shareek-e-zindagani karne aaye the

Mujassam ek namoona ban ke akhlaq-o-mohabbat ka Muzaffar ko fana fil-naat khwani karne aaye the