Khuda Karay Yun Bhi

Khuda kare yun bhi ho ke ab fikr-e-danah-o-daam ho na koi Sana-e-sarkar-e-do jahan ke siwa mujhe kaam ho na koi

Utar kar us paar, doob jaaun main khud mein khud ko nazar na aaun Har aadmi jaanta hai mujhko, magar mira naam ho na koi

Samaan ho har waqt mere ghar ka tuloo hoti hui sahar ka Main jis ke saaye ki saltanat mein rahoon wahan shaam ho na koi

Yehi dua hai meri Khuda se, Muhammad ﷺ Mustafa ke sadqe Mere watan, meri sar zameen par, hareef-e-Islam ho na koi

Your Lyrics, Even Offline - Install the App for Free!

Sada jo odhay phiray Muzaffar tasawwur-e-Mustafa ﷺ ki chadar Usi mein mayyat lapet dena bas aur ehram ho na koi