Khuda Karay Yun Bhi

خُدا کرے یوں بھی ہو کہ اب فکرِ دانہ دوام ہو نہ کوئی ثنائے سرکارِ دو جہاں کے سوا مجھے کام ہو نہ کوئی

اُتر کر اُس پار ، ڈُوب جاؤں میں خود میں خود کو نظر نہ آؤں ہر آدمی جانتا ہے مُجھ کو ، مگر مِرا نام ہو نہ کوئی

سماں ہو ہر وقت میرے گھر کا طلوع ہوتی ہوئی سحر کا مَیں جس کے سائے کی سلطنت میں رہوں وہاں شام ہو نہ کوئی

یہی دُعا ہے مری خُدا سے ، محمّد ؐ مصطفےٰ کے صدقے مرے وطن ‘ میری سر زمیں پر ‘ حریف اِسلام ہو نہ کوئی

سدا جو اوڑھے پھرے مظفّؔر تصوّرِ مصطفےٰؐ کی چادر اُسی میں میّت لپیٹ دینا بس اور احرام ہو نہ کوئی