Khoya Khoya Hai Dill

Khoya khoya hai dil, hont chup, aankh nam, hain muwajah pe hum Rubaru un ke laya hai un ka karam, hain muwajah pe hum

Lamhe lamhe pe ayaat ka noor hai, naat ka noor hai Noor afshan, duroodi fazayen dam-ba-dam, hain muwajah pe hum

Ek kone mein hain, sar jhukaye huye, munh chupaye huye Gardanein hain ke baar-e-nadamat se kham, hain muwajah pe hum

Free Up Space - Get Lyrics Without Bulky Screenshots!

Aansuon ki zaban, kar rahi hai bayan, un se ahwal-e-jaan Sirf apna nahi poori ummat ka gham, hain muwajah pe hum

Muskurati hui har tajalli mili, kya tasalli mili Door hote gaye saare ranj-o-alam, hain muwajah pe hum

Sab talab-gar harf-e-shafa'at ke hain, un ki rehmat ke hain Chehre chehre pe ik sawal-e-karam, hain muwajah pe hum