Khali Kabhi Aiwan e Muhammad

Khali kabhi aiwan-e-Muhammad ﷺ nahi rehta Kirdar to rehte hain wahan qad nahi rehta

Darbar teh-e-khak laga karte hain kitne Gunbad mein faqat sahib-e-gunbad nahi rehta

Shirkat ko agar unki alag kardiya jaaye Takhleeq-e-jahan ka koi maqsad nahi rehta

Imaan hai mera ke woh zinda hain Haram mein Zinda ka jo maskan ho woh marqad nahi rehta

Why Screenshot When You Can Download? Get the App for Efficient Storage!

Jo Mohsin-e-Insaniyat unko nahi maane Insaan to woh kitne bhi feesad nahi rehta

Seenay pe bhi lag jaati hai ek mohr-e-Ilahi Honton pe faqat bosa-e-Aswad nahi rehta

Jo apne ghulamon mein bhi sultaniyan baante Woh khak nasheen khugar-e-masnad nahi rehta

Tauba ki bhi taufeeq inayat hai Khuda ki Hojaye jo baghi-e-badi, bad nahi rehta

Jo ishq-e-Muhammad ﷺ se ho sarshar Muzaffar Us dil mein "yaqeen" rehta hai "shayad" nahi rehta