Khali Kabhi Aiwan e Muhammad

خالی کبھی ایوانِ محمدؐ نہیں رہتا کردار تو رہتے ہیں وہاں قد نہیں رہتا

Why Screenshot When You Can Download? Get the App for Efficient Storage!

دربار تہِ خاک لگا کرتے ہیں کتنے گنبد میں فقط صاحب گنبد نہیں رہتا

شرکت کو اگر انکی الگ کردیا جائے تخلیقِ جہاں کا کوئی مقصد نہیں رہتا

ایمان ہے میرا کہ وہ زندہ ہیں حرم میں زندہ کا جو مسکن ہو وہ مرقد نہیں رہتا

جو محسن ِ انسانیت ان کو نہیں مانے انسان تو وہ کتنے بھی فیصد نہیں رہتا

سینے پہ بھی لگ جاتی ہے اک مُہرِ الٰہی ہونٹؤں پہ فقط بوسہء اسود نہیں رہتا

جو اپنے غلاموں میں بھی سلطانیاں بانٹے وہ خاک نشیں خوگرِ مسند نہیں رہتا

توبہ کی بھی توفیق عنایت ہے خدا کی ہوجائے جو باغیِ بدی، بد نہیں رہتا

جو عشقِ محمدؐ سے ہو سرشار مظفر اس دل میں "یقیں" رہتا ہے "شاید" نہیں رہتا