Khak Purnoor Khuda jism Mein Dhal Kar Utra

Khak par noor-e-Khuda jism mein dhal kar utra Ek Quran-e-khad-o-khal bhi hum par utra

Naye rangon se murattab sehar-o-shaam huye Chashm-e-konain mein beenai ka paikar utra

Kis qadar aajiz-o-maskeen thi bulandi us ki Kursi-e-arsh liye ghar ke andar utra

More Lyrics, Less Storage - Install the App and Ditch the Screenshots!

Itni unchaiyon pe naqsh-e-qadam hain kis ke Itni gehraiyon mein kaun shanawar utra

Yun hui rooh ko mehsoos mohabbat us ki Jaise aaghosh mein darya ke samundar utra

Jab kabhi tan ki manderon se uraya hai ise Tair-e-dil usi deewar ke oopar utra

Rehmaten aayengi sau rang chhirakne ke liye Meri tauba ka jo chehra sar-e-mehshar utra

Us ke qadmon se tasawwur bhi hua door agar Yun laga, takht se jis tarah Muzaffar utra