Khak Purnoor Khuda jism Mein Dhal Kar Utra

خاک پر نُورِ خُدا جسم میں ڈھل کر اُترا ایک قرآنِ خَدو خال بھی ہم پر اُترا

نئے رنگوں سے مُرتّب سحرو شام ہوئے چشمِ کونَین میں بینائی کا پَیکر اُترا

کِس قدر عاجز و مسکیں تھی بلندی اُس کی کُرسی عرش لِیے غار کے اندر اُترا

اِتنی اُونچائیوں پہ نقشِ قدم ہیں کِس کے اِتنی گہرائیوں میں کون شناور اُترا

یُوں ہوئی رُوح کو محسوس محبّت اُس کی جیسے آغوش میں دریا کے سمندر اُترا

جب کبھی تن کی منڈیروں سے اُڑایا ہے اِسے طائرِ دل اُسی دیوار کے اُوپر اُترا

رحمتیں آئیں گی سو رنگ چھڑکنے کے لِیے میری توبہ کا جو چہرہ سرِ محشر اُترا

Why Screenshot When You Can Download? Get the App for Efficient Storage!

اُس کے قدموں سے تصوُّر بھی ہُوا دُور اگر یُوں لگا ، تخت سے جس طرح مظؔفّر اُترا