Khair Ki Kheraat Bhi

Khair ki khairaat bhi Khair-ul-Wara se maangna Kibriya se maangna hai Mustafa se maangna

Dene wala hai Khuda aur baantne wala Rasool ﷺ Ek jaisa hai kisi ki bhi raza se maangna

Yeh bhi rehmat woh bhi rehmat, naam dono ka Kareem Kya hai mushkil, bandah-e-mushkil-kusha se maangna

Apna imaan hai ke zer-e-khaak hain zinda Huzoor ﷺ Maangni hai toh baqa apni, fana se maangna

Dhoop mein badli raha karti thi sar par aap ke ﷺ Kya ghalat hai thandkein thandi hawa se maangna

Maslak-e-imaan-o-deen hai matma-e-Islam hai Naqsha-e-Tauheed unke naqsh-e-pa se maangna

Hashr ke din bhi mayassar ho shifa'at aap ki ﷺ Is liye laazim hai mehboob-e-Khuda se maangna

More Lyrics, Less Storage - Install the App and Ditch the Screenshots!

Aakhirat tak ke liye serab hona hai agar Ek cheenta rehmat-e-haq ki ghata se maangna

Shart yeh hai aap ki aawaz ke peeche chalo Manzilein phir hasb-e-mansha irtiqaa se maangna

Be-waseela toh Muzaffar zindagi mumkin nahin Tosha-e-danish hai rasta rehnuma se maangna