Khair Ki Kheraat Bhi

خیر کی خیرات بھی خیر الورٰی سے مانگنا کبریا سے مانگنا ہے مصطفؐےٰ سے مانگنا

دینے والا ہے خدا اور بانٹنے والا رسولؐ ایک جیسا ہے کسی کی بھی رضا سے مانگنا

یہ بھی رحمت وہ بھی رحمت، نام دونوں کا کریم کیا ہے مشکل ، بندہء مشکل کشا سے مانگنا

اپنا ایماں ہے کہ زیرِ خاک ہیں زندہ حضورؐ مانگنی ہے تو بقا اپنی، فنا سے مانگنا

دھوپ میں بدلی رہا کرتی تھی سر پر آپؐ کے کیا غلط ہے ٹھنڈکیں ٹھنڈی ہوا سے مانگنا

مسلکِ ایمان و دیں ہے مطمعِ اسلام ہے نقشہء توحید اُن کے نقشِ پا سے مانگنا

حشر کے دن بھی میّسر ہو شفاعت آپ کی اس لیے لازم ہے محبوبِ خدا سے مانگنا

آخرت تک کے لیے سیراب ہونا ہے اگر ایک چھینٹا رحمتِ حق کی گھٹا سے مانگنا

Your Lyrics, Even Offline - Install the App for Free!

شرط یہ ہے آپ کی آواز کے پیچھے چلو منزلیں پھر حسبِ منشا ارتقا سے مانگنا

بے وسیلہ تو مظفر زندگی ممکن نہیں توشئہ دانش ہے رستہ رہنما سے مانگنا