Karam Hai Khuda Ka

Karam hai Khuda ka, Khuda ki ata hai Mere haath mein daaman-e-Mustafa hai

Karam haajiyo! tum pe kaisa hua hai! Tumhein muzdah-e-maghfirat mil gaya hai

Mubarak! sharaf tum ko hajj ka mila hai Nazaarah Madine ka tum ne kiya hai

Khuda ke karam se bhari jholiyan hain Nabi ki inayat se daaman bhara hai

Instant Access to Thousands of Lyrics - Tap to Install!

Sada khufiya tadbeer se Rab ki darna Suno! aakhirat ka isi mein bhala hai

Bila-aakhir Madine ko chhod aaye haaji Koi ghamzada hai, koi ro raha hai

Chhuta aah! Ka'bah, chhuta sabz gumbad Chhuta haaye Makkah, Madinah chhuta hai

Hai hijr-e-Madinah mein ranjeeda koi To Aaqa ke gham mein koi ghamzada hai

Madine se rukhsat ka ek ek lamha Muhammad ke ushshaq par jaan-gaza hai

Sukoon-e-dil-o-jaan Madine ki galiyan Wahan ka samaan kaif-o-masti bhara hai

Mujhe chashm-e-nam do, Madine ka gham do Aye Shah-e-Madinah! meri iltija hai

Main hajj karne aaun Madinah bhi dekhun Mere dil mein yeh aarzu Ya Khuda hai

Khuda! har musalman ko hajj-o-ziyarat Ka dede sharaf aajizana dua hai

Woh phoola samata nahi hai khushi se Madine ka jis ko bulawa mila hai

Bhara hai gunahon se a'maal-naama Shafa'at ki arz aye Shafee-ul-Wara hai

Gunahgar hoon main, siyah-kaar hoon main Khuda! maghfirat kar, meri iltija hai

Sharaf paaye Attar har saal hajj ka Khuda-e-Muhammad! yeh tujh se dua hai