Jo Teri Sana Mein

Jo teri sana mein na ho fana Mujhe woh zaban nahi chahiye Tere pyaar mein hain meri rutain Mujhe yeh jahan nahi chahiye

Teri khak-e-pa hai meri hina Tera aks bhi mera aaina Main faqat nazar tu nazara gar Mujhe tu kahan nahi chahiye

Jo nazar mein ho tera roop bhi Shab-e-mah lagti hai dhoop bhi Teri rahmatain jo panah dain Koi saiban nahi chahiye

Mere saans hoon teri chaap ho Falak-o-zamin ka milap ho Teri roshni ke siwa koi Sar-e-koo-e-jaan nahi chahiye

Stop Wasting Storage - Download Lyrics in Lightweight Text Format!

Mere dhyan ko woh rasai de Mujhe tu yahin se dikhai de Koi wasta koi rasta Koi karwan nahi chahiye

Yeh tera Muzaffar khush nawa Jise maante hain shah-o-gada Tere sang-e-dar pe mare agar Tu koi nishan nahi chahiye