Jo Teri Sana Mein

جو تِری ثنا میں نہ ہو فنا مجھے وہ زباں نہیں چاہیے تِرے پیار میں ہیں مِری رُتیں مجھے یہ جہاں نہیں چاہیے

Download Lyrics & Access Offline - Install Our App Now!

تِری خاک پا ہے مِری حنا تِرا عکس بھی مِرا آئنہ میں فقط نظر تو نظارہ گر مجھے تو کہاں نہیں چاہیے

جو نظر میں ہو تِرا روپ بھی شب ماہ لگتی ہے دھوپ بھی تِری رحمتیں جو پناہ دیں کوئی سائباں نہیں چاہیے

مِرے سانس ہوں تِری چاپ ہو فلک و زمیں کا ملاپ ہو تِری روشنی کے سوا کوئی سرِ کوئے جاں نہیں چاہیے

مِرے دھیان کو وہ رسائی دے مجھے تو یہیں سے دکھائی دے کوئی واسطہ کوئی راستہ کوئی کارواں نہیں چاہیے

یہ ترا مظفر خوش نوا جسے مانتے ہیں شہ و گدا تِرے سنگ دَر پہ مَرے اگر تو کوئی نشاں نہیں چاہیے