Jo Nabi Ka Ghulam Hota Hai

Jo Nabi ka ghulam hota hai Qabil-e-ehtiram hota hai

More Lyrics, Less Storage - Install the App and Ditch the Screenshots!

Jo ke khauf-e-Khuda se rota ho Qabil-e-ehtiram hota hai

Jo gham-e-Mustafa mein rota ho Qabil-e-ehtiram hota hai

Jo bure khatmay se darta ho Qabil-e-ehtiram hota hai

Jo de neki ki dawat ae bhai Qabil-e-ehtiram hota hai

Jo bhi apnaye ’’Madani inamaat‘‘ Qabil-e-ehtiram hota hai

Jo bhi hai ’’qafilon‘‘ ka shaidai Qabil-e-ehtiram hota hai

Jo bhi rehta hai ’’Madani huliye‘‘ mein Qabil-e-ehtiram hota hai

Sunnatain un ki jo bhi apnaye Hashr mein shad-kaam hota hai

Dars-e-Faizan-e-Sunnat ae bhai Ghar mein dene se kaam hota hai

Bheer mein jaise Hajar-e-Aswad ka Door se istilam hota hai

Yun hi ushshaq ka vatan reh kar Door se bhi salam hota hai

Haye doori ko ho gaya arsa Kab yeh hazir ghulam hota hai

Kab Madine mein haziri hogi Jaane kab mera kaam hota hai

Ya Nabi yeh ghulam kab hazir Bahr-e-arz-e-salam hota hai

Jo Madine ke gham mein roye woh Hashr mein shad-kaam hota hai

Jo durood-o-salam parhte hain Un pe Rab ka salam hota hai

Kya dabe dushmanon se woh, Hami Jis ka Khair-ul-Anam hota hai

Aazmaish hai us ki duniya mein Jo yahan nek-naam hota hai

Jo ho Allah ka wali us ka Faiz duniya mein aam hota hai

Jee lagane ki ja nahin duniya Kis ko hasil dawam hota hai

Dar-e-fani mein khush rahe kaise! Jis ka murdon mein naam hota hai

Maut imaan pe aati hai jis par Fazl-e-Rabb-ul-Anam hota hai

Qabr roshan usi ki ho jis par Fazl-e-Rabb-ul-Anam hota hai

Be-sabab bakhshish us ki ho jis par Fazl-e-Rabb-ul-Anam hota hai

Bakhtawar hai Madine mein jis ki Umr ka ikhtitam hota hai

Jis se woh khush hon hashr mein hasil Us ko Kausar ka jaam hota hai

Dekho Attar kab mira Taiba Jaane walon mein naam hota hai