Jo Bhi Sarkar Ka Aashiq

Jo bhi Sarkar ka aashiq-e-zaar hai Us ki thokar pe daulat ka anbaar hai

Saltanat se use kya sarokaar hai Wastay iqtidaar us ke bekaar hai

Jo ke deewanaye Shah-e-Abrar hai Jis ka dil un ki ulfat se sarshaar hai

Un ki sunnat ka jo aayina-daar hai Bas wahi toh jahan mein samajhdaar hai

Aatash-e-shauq mein kaash! jalta rahoon Aur khayal-e-Madinah mein khoya rahoon

Bas "Madinah Madinah" hi karta rahoon Yeh dua meri aye Rabb-e-Ghaffar hai

Door duniya ke ho jayen ranj-o-alam Mujh ko mil jaye meethe Madine ka gham

Ho karam ho karam ya Khuda ho karam! Wasta us ka jo Shah-e-Abrar hai

Aah! isiyan ke toofan mein jaan-e-chaman Phans gaya hai safeena aye Shah-e-Zaman

Bas tumhein ek umeed ki ho kiran Tum jo chaho to beera mera paar hai

Ro raha hai yeh jo hichkiyan baandh kar Yaad aaya hai is ko Nabi ka nagar

Kya karoge tabeebo! ise dekh kar Chhor do yeh Madine ka beemar hai

Meethe meethe Madine ki mehki faza Har Musalman ko ya Ilahi! dikha

Us Shah-e-Karbala ka tujhe wasta Jo jawanan-e-Jannat ka sardar hai

Aah! ranj-o-alam ki nahin koi had Kaam karti nahin ab to aql-o-khirad

Offline Lyrics Anytime, Anywhere - Download the App Today!

Al-madad aye mere rahnuma al-madad Paon zakhmi hain aur raah pur-khaar hai

Mujh ko soz-e-Bilal aur soz-e-Raza De do soz-e-Owais aur soz-e-Ziya

Wasta tujh ko Aaqa usi Ghauṣ ka Awliya ka jo Sultan-o-sardar hai

Bhar ke jaate hain mangte jahan jholiyan Bhool jaate hain gham, gham ke maaray jahan

Jis jagah dushmano ne bhi payi amaan Mere meethe Nabi ka woh darbaar hai

Woh Habib-e-Khuda Sarwar-e-ins-o-jaan Jis ke zer-e-tasarruf hain dono jahan

Us pe qurban dil us pe qurban jaan Jo Khuda ki khudai ka mukhtar hai

Aye muqaddar ki roothi hawao suno Haal-e-dil par na yun muskurao suno

Aandhiyo! gardisho! tum bhi aao suno Mustafa mera haami-o-ghamkhwar hai

Toote go sar pe koh-e-bala sabr kar Aye muballigh na tu dagmaga sabr kar

Lab pe harf-e-shikayat na la sabr kar Haan yahi sunnat-e-Shah-e-Abrar hai

Ya Habib-e-Khuda mujh pe chashm-e-ata Kar do tum az paye Ghauṣ-o-Ahmad Raza

Le kar umeed-e-afw-o-karam Sarwara Dar pe hazir tumhara gunahgar hai

Khwah daulat na de koi sarwat na de Chahay izzat na de koi shohrat na de

Takht-e-shahi na de aur hukumat na de Tujh se Attar tera talabgar hai