Jo Arsh Ka Charagh Tha

Jo Arsh ka charagh tha main us qadam ki dhool hoon Gawah rehna zindagi mein aashiq-e-Rasool hoon

Instant Access to Thousands of Lyrics - Tap to Install!

Meri shaguftagi pe pat jharon ka kuch asar na ho Khila hi jo hai Mustafa ke naam par woh phool hoon

Meri duaaon ka hai rabta dar-e-Hazoor se Isi liye Khuda ki bargah mein qabool hoon

Barha diya hai haziri ne aur shauq-e-haziri Musarratein sameit kar bhi kis qadar malool hoon

Muzaffar aakhirat mein bakhshwayenge wahi mujhe Ke sar se paaon tak qusoor hoon khata hoon bhool hoon