Jitni Der Aankh Gham

Jitni der aankh gham-e-Shah mein tar rehti hai Ek ek saans ujaalon ka safar rehti hai

Chashm-e-ma-zaagh ajab noor ka ghar rehti hai Donon aalam pe ba-yak waqt nazar rehti hai

Khwab mein bhi jhalak un ki jo nazar aajaye Zindagi bhar hawas-e-baar-e-digar rehti hai

Offline Lyrics Anytime, Anywhere - Download the App Today!

Hat ke Aqa ﷺ se tasawwur na karo rehmat ka Rehmat-e-Allah ki Sarkar ke ghar rehti hai

Kaali kamli ka zara daal do saaya Maula Kaali kamli mein muqaddar ki sahar rehti hai

Dil woh kis kaam ka jis mein gham-e-Sarkar ﷺ na ho Aab jab tak ke rahe qadr-e-gauhar rehti hai