Jis Taraf Dekhiye

Jis taraf dekhiye gulshan mein bahaar aayi hai Dil magar dasht-e-Madinah ka tamanna'i hai

Khushnuma phool gulistan mein khile hain lekin Mera dil khaar-e-Madinah hi ka shaida'i hai

Mustafa ki yeh inaayat hai ke mere dil mein Gumbad-e-sabz ki tasveer utar aayi hai

Your Lyrics, Even Offline - Install the App for Free!

Jab kabhi jis ne bhi paayi hai jahan ki nemat Aap ke dast-e-karam hi se Sha ha paayi hai

Aah! majboor pe naachaar pe ranj-o-gham ki Chaar jaanib se Shaha! kaali ghata chhaayi hai

De de Maula! gham-e-Sultan-e-Madinah de de Lab pe reh reh ke yahi ek dua aayi hai

Jab tadap kar dil-e-ghamgeen ne pukara Aqa! Foran imdaad Shaha aap ne farmaayi hai

Kar do sairaab dil-e-tishna ko ab to Saqi! Sharbat-e-deed ka muddat se tamanna'i hai

Ghup andhera tha gunahon ka main sadqe jaaun Lahad khud aa ke meri noor se chamkaayi hai

Naz'a mein, qabr mein, meezan-e-amal aur pul par Har jagah aap ki nisbat hi to kaam aayi hai

Sunnatain Shah-e-Madinah ki tu apnaye ja Donon aalam ki falah is mein mere bhai hai

Maal-o-daulat ki hawas dil se mita de Ya Rabb Soz-e-Sarkar ka Attar tamanna'i hai