Jis Ne Dikhaya Taiba o Qibla

Jis ne dikhaya Taibah o Qiblah tum hi toh ho Jis mein Nabi ko dekha woh sheesha tum hi toh ho

Ahl-e-nazar ke tum hi toh ho matmah-e-nazar Aur ahl-e-dil ke dil ki tamanna tum hi toh ho

Tum waris-e-uloom-e-Habib-e-Ilah ho Aur Nasir-e-Shariat-e-Baiza tum hi toh ho

Is gulistan-e-deen ki tum hi bahar ho Aur bazm-e-Sunniyat ka ujala tum hi toh ho

Deen ke Naeem, mazhar-e-shan-e-Moin ho Kamzor o be-nawa ka sahara tum hi toh ho

Sab ahl-e-aql Sadr-e-Afazil na kyun kahein Woh sab hain khatam un ke nageena tum hi toh ho

Hai Najdiyon ke qalb mein aara tumhari zaat Aur Sunniyon ki aankh ka tara tum hi toh ho

Taqreer jis ki qahr-e-Ilahi adu pe hai Aur ahl-e-deen pe rehmat-e-Maula tum hi toh ho

Jis ka qalam ke neza-e-batil shikan bana Aur Deen-e-Mustafa ka hai paya tum hi toh ho

Stop Wasting Storage - Download Lyrics in Lightweight Text Format!

Hum sab thay jahl ki shab-e-tareek mein phanse Shab jis se kat gayi woh sawera tum hi toh ho

Dil ki murad aap ki khushnudi-e-mizaj Aur Salik-e-faqeer ke mansha tum hi toh ho