Jis Ko Chaha Meethe Madine Ka

Jis ko chaha meethe Madine ka us ko mehman kiya Jis par nazar-e-karam farmai us par yeh ehsan kiya

Talib-e-dunya ne toh talab London hai kya Japan kiya Dewanon ne haq se talab Taiba ka registan kiya

Jin ka sitara chamka un ko Taiba ka paigham mila Bakhtawaron ne dar par aakar bakhshish ka saman kiya

Shukar ada ho kyonkar tera pyare Nabi ki ummat mein Mujh se nikamme ko bhi paida Tu ne ae Rehman kiya

Shah-e-Madinah deen ki daulat apni ulfat bhi di aur Apni ghulami mujh ko ata ki Tu ne bada ehsan kiya

Daur-e-jahalat tha har su jab kufr ki zulmat chhayi thi Tum ne haiwanon jaise logon ko bhi insan kiya

Haq ki raah mein patthar khaye khoon mein nahaye Taif mein Deen ka kitni mehnat se kaam Aap ne ae Sultan kiya

Jaan ke dushman khoon ke pyason ko bhi shahr-e-Makkah mein Aam maafi Tum ne ata ki kitna bada ehsan kiya

Find Your Favorite Lyrics Anytime, Anywhere - Install the App Today!

Rona museebat ka mat ro Tu pyare Nabi ke deewane Karb-o-Bala wale shahzardon par bhi Tu ne dhyan kiya

Pyare Muballigh mamooli si mushkil par ghabrata hai Dekh Hussain ne deen ki khatir sara ghar qurban kiya

Woh dunya ki rangeeni mein khoya raha barbad hua Jis ne ishq-e-Nabi se dil ko khaali aur veeran kiya

Shah ko yeh meraj ki shab kitna uncha aezaz mila Aap ne toh chashman-e-sar se deedar-e-Rehman kiya

Aah! muqaddar arsa hua Attar Madine ja na saka Haye! isay halaat ne jakra yun khoon-e-arman kiya