Jamia Al Hassnaat Hain

Jami-ul-hasanaat hain woh arfa-ud-darajaat woh Is jahan ke us jahan ke nosha woh baaraat woh

Husn-e-Taurat-o-Zaboor, Injeel-o-Quran ka jamaal Shajra-e-harf-e-Bukhari tarra-e-Mishkaat woh

Har ibadat hai adhoori unki shirkat ke baghair Har dua ke aage peeche, jaan-e-attahiyaat woh

Mooris-e-zuhd-o-tasawwuf mojid-e-ishq-o-jihad Ghaar mein masroof-e-girya qaid-e-ghazwaat woh

Mera imaan hai bata deta hai khud un ko Khuda Rakhte hain har ilm na-mawjood-o-mawjoodaat woh

Shukr-e-Rabb karte hue unki zaban thakti nahin Haath ka luqma bhi kar dete hain jab khairaat woh

Kya hai farq-e-banda-o-Maula Muzaffar kya khabar Aankh woh hain Haq Ta'ala ki zaban woh haath woh

Woh jaari-o-saari musalsal hain woh Kisi rukh se dekho mukammal hain woh

Why Screenshot When You Can Download? Get the App for Efficient Storage!

Zameen aasman aap ke mo'taqid Woh har raaz ke sharih-e-munfarid

Woh shahid woh munzir bashir-o-nazeer Woh hadi-e-darain khair-e-kaseer

Ghalat bandhanon se dilayen najaat Akele bhi woh raunaq-e-kainaat

Ataleeq-e-Quran-o-hikmat hain woh Rafeeq-e-bulandi-o-rif'at hain woh

Woh salaar-e-kaunain aalam panah Wohi hain hamare tumhare gawah

Woh har zakhm-e-khufya ke hain chara-gar Woh beenai afroz nazzara-gar

Meer-e-Haram Khusraw-e-bahr-o-bar Woh noorun ala noor khair-ul-bashar

Karen jis ki saanson ka woh tazkiya Badal daalen andar ka jughrafiya

Woh aulad se baap maan se azeez Woh har ahl-e-imaan ko jaan se azeez

Mah-o-kahkashan ke musafir Huzoor ﷺ Pas-e-ghaib-o-ghayib hain hazir Huzoor ﷺ

Qalam hain wohi loh-o-kaghaz wohi Har ik falsafay ka hain maakhaz wohi

Sada mo'jiza hai jhalak mo'jiza Woh hain sar se pairon talak mo'jiza

Sana hai adhoori jahan tak likhoon Main un ko kahan se kahan tak likhoon