Jalta Hun Uss Pahar Pe

Jalta hoon us pahad pe loban ki tarah Ghar-e-Hira bhi taza hai Quran ki tarah

Woh maan lein agar toh yeh nisbat bhi kam nahi Un ke qadam ki khaak hoon insaan ki tarah

Band aankh se karoon main khuli aankh ka safar Mera shaoor hai mere wijdar ki tarah

Stop Wasting Storage - Download Lyrics in Lightweight Text Format!

Kab jaane maut chal pade kandhe pe daal kar Rehta hoon main bandhe hue saamaan ki tarah

Rakkha hua hai Aap ko seene ki rahal par Lipta hua hoon Aap se juzdaan ki tarah

Utre har ek saans bhi mere wajood par Allah aur Rasool ﷺ ke farmaan ki tarah

Karta rahoon main khud ko nichawar Huzoor ﷺ par Abu Bakr ki tarah kabhi Usman ki tarah

Ae kaash naat parhna Muzaffar naseeb ho Mujh ko bhi un ke saamne Hassan ki tarah